قصتي ترانس كويتي

بلاول حاب اقولكم انا ما احس باني انثى مع اني بنت
مادري ليش وماعرفت شنهو هسبب هل هذا برغبه
ولا حصل غصب شي مو بيد الواحد يحدد جنسه لا صارت هويته ضايعه

تصدقون يا جماعه انا مو مقتنع بلي يصير
ودي اموت وافتك واريح الناس الي شايله همي
انا انسان تعبت من الاهل ومن المجتمع

تقدرون بعد تقولون تعبان من نفسه
مليت من حياتي مليت من اني اتعامل على اساس اني شي ثاني
انا رجل تعبت اقولها بيني وبين نفسي ماكو احد مستوعب الي اقوله

انا مو قصدي اقلد الشباب او اني استرجل انا من انولدت والشعور
هذا فيني من صغري وانا اميل للبنات
وكنت اقول ما يصير ولمن كبرت فهمت وبديت ارتبط بلبنات
لان من داخل احساسي احساس وشعور رجل مو بنت

الي مثلي حرام بحقي كلمة (بويه) اصلا من طلع هلاسم وانا مو مقتنع فيه
لانه مؤنث والحين اي وحده ينقال عنها بويه

وايد بويات قصدهم شذوذ وتشبه بس عشان (ينشهرون)
ناس مسكينه فاقده الثقه بلنفس مو فاهمين شي

واصلا يبان عليهم هشي من لبسهم وتصرفاتهم

حتى البعض منهم ينتف حواجبه ويحطون كحل ويحطون حلق
يخرمون اذانيهم و الي يحطون بلسانهم
وين الرجوله وين؟ ليش ينقال عنها بويه البيتش هذي
لوووووووووووول

اوكي انا عندي خرم باذني بس هذا
لمن كنت صغير والاهل اهما الي
يهتمون بشكلي وبلبسي اما الحين
احنا كبار وكل واحد يلبس الي يعجبه
ولا انا غلطااان هع


هذي الفئه هي الشاذه والمفروض الحكومه تشوف شغلها معاهم
اما احنا حرام لان هشي خارج عن ارادتنا


الي بحالتي اوكي انولد لكن بختلاف الروح للجسد..؟
انا اتمنى اقدر اسوي العمليه لكن ما اقدر
واول سبب اهلي اكيد ماراح يرضون وخصوصا اني للحين تحت سن القانوني

وللحين ادرس والمدرسه هي بروحها ساااالفه لوول
يا كثر اليز والمسترجلات لوعة جبد و انا ماعطيهم ويه

انا اكثر ربعي شباب ما امشي مع بويات الا اذا كانو يستاهلون
وصج كفو الواحد يجلس معاهم لان البعض يغلب عليهم
الشذوووذ

وانا اخاف باجر تطلع علي سمعه اوكي انا بويه
لكن الي يشوفني مايقول جذي يقول رياااال

طبيعة تكوين جسمي خشن كتوفي عراض
كلش ماعندي صدر ادق حديد جسمي و معضل
صوتي خشن اسلوبي بعد فعشان جذي الواحد مايشك باني بويه

حتى الربع نفس شي واخواني يتضايقون من تصرفاتي
وانا اتضايق بعد لان مو بيدي هشي
والله حاولت اتعالج مافي دكتور حاول يفهم وضعي

رحت لدكتورين تدرون شقالو؟؟ قالو البس حاول تلبس ملابس بناتيه
اي شي المهم حاولت بس مانفع
قالو حط مكياج طبعا ما حطيت لان ادري ماراح ينفع لوول

(الريال ريال لو مهما سويت ما اقدر اغير هشي)

فا انا اقول يا ريت يلقون اهل الاختاص لنا حل
واذا الحل هو تعديل الجنس هم خوش حل
لان الي مثلي ماله علاج نفسي

ياريت احصل احد يفهمني والله ابي اتعالج
ابي حل تكفوووووووون ابي حل..
ابي اعدل جنسي غلط اعيش جذي حرام الله مايرضاها يا جماعه

الواحد يعيش بعذاب والله مايصير..؟؟

حياكم الله جاسم ترانسكس

قوه شلونكم انا يديد بلموقع
وحبيت اقول مشكلتي والي عرفتها
بفضل الله ثم بفضل الاخ سالم صاحب موقع (ترانس هيلب)

موقع خاص لمرضى اضطراب الهوية الجنسية الترانسكشوال
هو للناس المو عايشين بتوافق مع جنسهم ويتمنون تعديل الجنس


وطبعا بشروط وتحت اشراف اطبا مختصين ولازم يعرفون الحاله
انا هذا الي قريته ولازم توافق مع الشروط المطلوبه طبعا انا مابي
اتلفسف :)

هذا الموقع بنفس البلوق
هذا الرابط :)

http://transshelp.blogspot.com

وعنده بعد الموقع العجييب الي انا حبيته
صراحه الله يعطيه الف عافيه
وكثر خيره اقوله..

وان شالله يحصلها بموازين اعماله
ويارب نكون احنا وياه بلجنه وكل الي مثل حالتنا رجل بجسد انثى :)

هذا الرابط
www.boyat.jeeran.com

والانسان هذا حبيته مع اني ما اعرفه وما حاجيته واتمنى اني احاجيه

ويكون اخوي وافتخر بهشي لانه انسان طيب
والي يثبت ان مسوي المواقع هذي لنا تسلم ايده (صج ريال
وعند كلمته و وصل صوته لناس
وان شالله الناس تتفهم المشكله)


لانها مو سهله وخصوصا الاهل
وحاب اقول شغله للاهل
( لحقو
على عيالكم ولا تطنشوون
ولا تحكمون على حالته بانه شاذ
افهمو حالته لان المشكله عوده)


وشوفو يمكن العلاج ينفع
مع اني قريت الي بمثل حالتنا ماينفع العلاج..


لان الشخص يكون مقتنع ميه بلميه انه ريال بس هم الواحد يعمل بلاسباب
والله كريم ان شالله

اخوكم كويتي جاسم